A REHABILITACIÓN E A VOLTA A CASA
Tras o alta hospitalaria comeza un proceso cuxo obxectivo será alcadar a maior autonomía persoal posible en cada caso de Dano Cerebral Adquirido. Para elo, será necesario reconstruir ou reorientar proxectos de vida de cada persoa para que poida voltar a ser o máis independente posible.
Para poder alcanzar este obxectivo é fundamental que a familia e a persoa con Dano Cerebral dispoñan de información suficiente sobre os recursos existentes sobre as necesidades específicas de rehabilitación do seu familiar.
A escaseza de recursos públicos e específicos de atención ao dano cerebral, así como dificultades de tipo económicas, xeográficas ou de falla de apoio social das familias provocan que a atención necesaria non sexa prestada, e isto poda precipitar o retorno ao fogar e que a familia asuma o papel de coidador principal.
No seguinte enlace á web da Federación Española de Daño Cerebral (FEDACE), poderás consultar os centros de atención ao Dano Cerebral existentes en España.
¿Cómo debe ser a rehabilitación do dano cerebral?
O proceso de rehabilitación do Dano Cerebral Adquirido ten cinco obxectivos:
- Avaliar as secuelas do dano cerebral e as dificultades que estas provocan.
- Reeducar e compensar as secuelas do dano cerebral para reducir a discapacidade.
- Previr complicacións futuras das secuelas do DCA ou da propia lesión cerebral.
- Potenciar as habilidades conservadas.
- Promover a integración social e familiar.
A rehabilitación debe producirse dende o primeiro momento, dende que o paciente atópase en planta no Hospital. Unha vez iniciada, debe ter continuidade e axustarse a medida que a lesión evolucione.
Ata os duos primeiros anos despois da lesión, a evolución dos pacientes é positiva, polo que é fundamental que o traballo sexa continuo no tempo. A partir deste momento é importante manter as terapias de rehabilitación orientadas a preservar a melloría lograda.
A rehabilitación da persoa con Dano Cerebral Adquirido debe ser realizada por un equipo rehabilitador multiprofesional para que a persoa con dano cerebral reciba unha atención coordinada e integral. Este equipo deberá estar formado, polo menos, polas seguintes especialidades:
- Medicina: O equipo médico rehabilitador será o encargado de coordinar as accións do resto do equipo.
- Enfermería: Ademáis das súas funcións habituais na planta hospitalaria, ante os casos de dano cerebral o equipo de enfermería é clave como educadora das personas con dano cerebral e as súas familias. Son o nexo de unión entre os membros do equipo de rehabilitación.
- Neuropsicoloxía: Deseñan, avalían e poñen en marcha os programas de estimulación cognitiva. Realizan a avaliación inicial da persoa con dano cerebral.
- Fisioterapia: Manteñen e melloran as capacidades físicas para previr máis complicacións. Tamén trabajllan a mellora cardiovascular para incrementar a tolerancia ao esforzo, o que axuda ao traballo desenvolvido no centro e a que o usuario poida participar máis a nivel comunitario.
- Logopedia: As áreas de acción da logopedia son a comunicación, a respiración, a postura e a deglución.
- Traballo social: A través de entrevistas persoais realizan unha análise das necesidades sociais da persoa con dano cerebral e da súa familia para tratar de resolvela a través dos recursos máis axeitados. A figura da traballadora social é un nexo entre familia, administración, centro e outras entidades.
- Terapia ocupacional: Traballan as habilidades necesarias para a realización das actividades básicas e instrumentais da vida diaria. Isto o fan tendo en conta as habilidades do usuario previas ao DCA: inténtase promoverlas de cara a unha posible volta ao emprego.
Finalmente, xa avanzando no campo do social, existe un grupo de profesionais como educadores sociais, monitores de ocio, preparadores laborals e técnicos en integración social; entre outros, que son imprescindibles para a integración social e a autonomía persoal, así como para os programas de ocio e tempo libre. Ademáis, os profesionais do área apoian nas actividades básicas da vida diaria, cubrindo así estas necesidades.
FONTE: Federación Española de Daño Cerebral (FEDACE)
Máis información en
