VIVIR CON DANO CEREBRAL
No proceso de rehabilitación dunha persoa con Dano Cerebral Adquirido, os primeiros 24 meses van a resultar cruciais. Será o período no que se vaian producindo avances no proceso de autonomía do paciente. Ao final dese período poderemos definir con maior claridade as secuelas definitivas e a gravidade das mesmas.
Por todo elo, será fundamental que a persoa con Dano Cerebral Adquirido realice nese período toda a rehabilitación posible.
Debemos tomar este período como unha referencia, aínda que poderá variar en función de diferentes aspectos:
- da persoa que sufríu o Dano Cerebral Adquirido (idade, características físicas,…);
- da gravidad do mesmo;
- da rehabilitación recibida dende o primeiro momento;
- ou doutros aspectos como a rede de apoios cos que conte.
De calquera xeito, alcanzada esta fase de estabilización e crónificación do Dano Cerebral Adquirido, debemos seguir realizando coa persoa un traballo de rehabilitación, que nestes momentos, estará sobre todo orientado a manter os progresos alcanzados.
A persoa con Dano Cerebral Adquirido debe continuar desenvolvendo o seu proxecto de vida, lóxicamente adaptado á súa nova realidade, ás súas capacidades e ás súas motivacións. Por iso, nesta etapa haberá que seguir profundizando en todas as actividades, accións, proxectos que favorezan a integración social e o maior grao de autonomía posible.
Como en todas as fases da rehabilitación, agora tamén, haberá que traballar de xeito individual con cada persoa con Dao Cerebral Adquirido. Unha intervención, planificada, e baseada nas súas necesidades, capacidades, motivacións e apoios.
Nesta etapa podemos contar con diferentes recursos que permitan reorientar o noso proxecto de vida e nos axuden coas súas accións e actividades a alcanzar aqueles obxectivos que nos plantexemos. As asociacións que traballamos de xeito especializado coas persoas con Dano Cerebral somos o principal recurso ao que acudir, senon o utilizamos antes antes, nesta etapa, xa que traballamos cos seguintes obxectivos e prioridades:
- defender os dereitos das persoas con dano cerebral e as súas familias;
- buscar vías para a súa reintegración na sociedade e para a promoción da súa autonomía persoal.
ALENTO, Asociación de Dano Cerebral de Vigo ofrece distintos programas e proxectos que favorecen a integración social das persoas con Dano Cerebral, favorecen a súa autonomía e apoian ás familias a través da rede que se crea entre elas.
Na nosa entidade traballamos de xeito integral coa persoa con Dano Cerebral e a súa familia co fin de mellorar a súa CALIDADE DE VIDA, a través das seguintes DIMENSIÓNS DE CALIDADE DE VIDA:
- Benestar Físico.
- Desenvolvemento Persoal.
- Benestar Emocional.
- Comunicación.
- Inclusión Social e Relacións Interpersoais.
- Dereitos e autodeterminación
FONTE: Federación Española de Daño Cerebral (FEDACE)
