© Asociación ALENTO | 18/10/2020 | Cartel Semana do Dano Cerebral 2020 organizada pola Asociación ALENTO. ALENTO NA REDE

ALENTO NA REDE. Programación de actividades de ALENTO pola semana do dano cerebral 2020

Todos os anos  ALENTO organiza a semana do Dano Cerebral, facéndoa coincidir con dúas datas de especial significado para o noso colectivo, o 26 de outubro (Día Mundial do Dano Cerebral Adquirido) e o 29 de outubro (Día Mundial do Ictus).

Neste ano 2020, a organización da semana do Dano Cerebral estará condicionada, como todo, pola situación sociosanitaria derivada da pandemia do  COVID19. Por iso desde a Asociación  ALENTO de Dano Cerebral de Vigo preparamos unha programación de actividades  online que manteña o espírito dos actos que celebramos en anos anteriores. Todos estes actos enmárcanse na iniciativa ALENTO  NA  REDE.

O obxectivo de ALENTO NA REDE será:

• Sensibilizar sobre a importancia do coidado do cerebro para previr o Dano Cerebral Adquirido.
• Abrir as portas da Asociación  ALENTO para dar a coñecer o traballo que se realiza na nosa entidade para mellorar a Calidade de Vida das Persoas con Dano Cerebral.

• Imos facer un vídeo coa lectura do manifesto realizada polas persoas con dano cerebral de  ALENTO (Este día darémoslle difusión ao vídeo)
• Imos a realizar unha actividade online, aberta a todas as persoas interesadas, a través da que reflexionaremos sobre as secuelas invisibles do Dano Cerebral Adquirido. A actividade celebrarase ás 12.00 horas

• Mostraremos nun vídeo o traballo que realizamos en  ALENTO para mellorar o Benestar (Físico, Emocional e Material) das persoas con Dano Cerebral. De acordo coas dimensións de Calidade de Vida.

• Mostraremos nun vídeo o traballo que realizamos en  ALENTO para mellorar a Independencia (Desenvolvemento Persoal e Autodeterminación) das persoas con Dano Cerebral. De acordo coas dimensións de Calidade de Vida.

• Mostraremos nun vídeo realizado polas persoas con dano cerebral que é o ictus, cales poden ser as súas secuelas e que podemos facer para previlo.

• Mostraremos nun vídeo o traballo que realizamos en ALENTO para mellorar a participación (Dereitos, Relacións Interpersoais e Inclusión Social) das persoas con dano Cerebral. De acordo coas dimensións de Calidade de Vida.

Voltar